ដំណើរកម្សាន្តនៅទីក្រុងព្រៃនគរនិងដែនដីសណ្ដទន្លេមេគង្គ CODE V: 01

• ម៉ោង ៥:០០ ព្រឹក៖ ទទួលភ្ញៀវនៅទីក្រុងភ្នំពេញ រួចចេញដំណើរទៅច្រកព្រំដែនអន្តរជាតិបាវិត។
• ម៉ោង ៩:០០ ព្រឹក៖ ទៅដល់ព្រំដែន ទទួលទានអាហារពេលព្រឹកដែលរៀបចំដោយក្រុមហ៊ុន។
• បន្ទាប់ពីអាហារពេលព្រឹក៖ ធ្វើបែបបទចេញពីកម្ពុជា និងចូលទៅប្រទេសវៀតណាម។
• មគ្គុទ្ទេសក៍ទេសចរណ៍ និងអ្នកបើកបររង់ចាំនៅព្រំដែនវៀតណាម។
• បន្តដំណើរទៅទស្សនាផ្លូវរូងក្រោមដីCu Chi Tunnel ដែលមានប្រព័ន្ធរូងក្រោមដីជាង ២៥០ គីឡូម៉ែត្រ ជាយុទ្ធសាស្រ្តចម្បាំងដ៏សំខាន់។
• បន្ទាប់ពីទស្សនាផ្លូវរូងក្រោមដីគូជី៖ លោកអ្នកបន្តដំណើរទៅកាន់ទីក្រុងហូជីមិញ (ទីក្រុងព្រៃនគរ)។
• លោកអ្នកទទួលទានអាហារថ្ងៃត្រង់នៅភោជនីយដ្ឋានក្នុងស្រុកក្នុងទីក្រុងហូជីមិញ។
• ពេលរសៀល៖ លោកអ្នកទស្សនាវិមាននរោត្តម ដែលបានកសាងឆ្នាំ ១៨៦៨ ។
• បន្តទស្សនា៖ វិហារកាតូលិក មជ្ឈមណ្ឌលប្រៃសណីយ៍ សណ្ឋាគារបុរាណ និងអាគារមហោស្រពបុរាណ។
• បន្ទាប់មក៖ អ្នកបើកបរជូនលោកអ្នកទៅកាន់សណ្ឋាគារដើម្បីទទួលបន្ទប់ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុងព្រៃនគរ។

• ម៉ោង ៧:០០ ព្រឹក៖ ទទួលទានអាហារពេលព្រឹក។
• អ្នកបើកបរជូនដំណើរលោកអ្នកទៅកាន់ទីរួមស្រុក​ Cai Be។
• ពេលទៅដល់កំពង់ផែកៃបេ៖ ជិះទូកឈើទៅទស្សនាផ្សារអណ្ដែត Cai Be។
• បន្តទស្សនារោងចក្រផលិតផលិតផលតាមផ្ទះ មានដូចជាស្ករគ្រាប់ ស្រាស នំក្រៀប និងពោតលីងជាដើម។
• បន្តជិះទូកសំប៉ានចូលជ្រៅក្នុងចម្ការផ្លែឈើដ៏ស្រស់ត្រជាក់។
• បន្តដំណើរតាមទូកឈើតាមដងទន្លេមេគង្គទៅកាន់ផ្ទះសំណាក់ ដែលអាហារថ្ងៃត្រង់នឹងត្រូវបានរៀបចំនៅចំកណ្តាលចម្ការផ្លែឈើ។
• បន្ទាប់ពីអាហារថ្ងៃត្រង់៖ រីករាយជាមួយតន្ត្រីប្រជាប្រិយវៀតណាមសំដែងដោយសិល្បករក្នុងតំបន់ និងទទួលទានផ្លែឈើតាមរដូវ។
• ទូកឈើជូនដំណើរលោកអ្នកទៅកាន់កំពង់ផែ Vinh Long(ខេត្តឡុងហោ)។
• ពេលទៅដល់កំពង់ផែ៖ ឡើងឡានបន្តដំណើរទៅកាន់ទីក្រុង Can Tho (ខេត្តព្រែកឬស្សី)។
• ពេលទៅដល់ទីក្រុង Can Tho ៖ ទស្សនាវត្តមុនីរាង្សីដែលស្ថិតនៅកណ្តាលទីក្រុងព្រែកឬស្សី។
• បន្ទាប់មក៖ អ្នកបើកបរជូនលោកអ្នកទៅកាន់សណ្ឋាគារ ទទួលបន្ទប់ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុង Can Tho។

• ម៉ោង ៧:០០ ព្រឹក៖ ទទួលទានអាហារពេលព្រឹក។
• អ្នកបើកបរជូនលោកអ្នកទៅកំពង់ផែ ជិះទូកឈើទៅទស្សនាផ្សារអណ្ដែតCai Rang និងចម្ការផ្លែឈើ។
• បន្ទាប់មក៖ អ្នកបើកបរជូនលោកអ្នកទៅទស្សនាផ្សាអាន​បិន។
• លោកអ្នកបន្តដំណើរទៅកាន់ទីក្រុង​ Chau Doc (ខេត្ត មាត់ជ្រូក)។
• លោកអ្នកទទួលទានអាហារថ្ងៃត្រង់នៅភោជនីយដ្ឋានក្នុងស្រុកនៅទីក្រុង Long Xuyen (ខេត្តបារាច)។
• បន្ទាប់ពីអាហារថ្ងៃត្រង់៖ លោកអ្នកនឹងបន្តដំណើរទៅទស្សនារាជធានីបុរាណអូរកែវ(Oc Eo)។ អូរកែវ គឺជាទីក្រុងបុរាណ មានកំពង់ផែ និងមជ្ឈមណ្ឌលពាណិជ្ជកម្មដ៏សំខាន់នៅអាស៊ីអាគ្នេយ៍ និងតំបន់ដីសណ្ដទន្លេមេគង្គ ចាប់ពីសតវត្សទី ១ ដល់ទី ៦ នៃគ.ស. ក្នុងសម័យអាណាចក្រហ្វូណន។
• បន្ទាប់មក៖ អ្នកបើកបរជូនលោកអ្នកទៅកាន់ទីក្រុងមាត់ជ្រូក។
• ពេលទៅដល់ទីក្រុងមាត់ជ្រូក៖ លោកអ្នកទទួលបន្ទប់សណ្ឋាគារ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុងមាត់ជ្រូក។

• ម៉ោង ៧:០០ ព្រឹក៖ ទទួលទានអាហារពេលព្រឹក។
• អ្នកបើកបរជូនលោកអ្នកទៅកាន់កំពង់ផែ ជិះទូកឈើទៅទស្សនាកសិដ្ឋានចិញ្ចឹមត្រី ភូមិចាម និងព្រែកជីកប្រវត្តិសាស្ត្រ Vinh Te។
• ព្រែកជីក Vinh Te​ បានកសាងនៅឆ្នាំ ១៨១៩ ក្នុងរាជវង្សង្វៀន ដែលជាសម័យពង្រីក និងបង្រួបបង្រួមរដ្ឋវៀតណាម។
• ព្រែកជីកនេះបានជួយសម្រួលដល់ការរីកចម្រើនរបស់រដ្ឋវៀតណាមចូលទៅក្នុងទឹកដីកម្ពុជាក្រោម។
• បន្ទាប់មក៖ លោកអ្នកបន្តដំណើរទៅទស្សនាវត្តលោកយាយម៉ៅ និងផ្នូរវីរបុរសវៀតណាមឈ្មោះThoai Ngoc Hau។
• បន្ទាប់មក៖ អ្នកបើកបរជូនលោកអ្នកទៅកាន់ច្រកព្រំដែនTinh Bien ដើម្បីធ្វើបែបបទចេញពីវៀតណាម និងចូលទៅកម្ពុជាវិញ។
• ឡានរង់ចាំនៅព្រំដែនខាងកម្ពុជា។
• បន្ទាប់ពីធ្វើបែបបទរួច៖ ឡាននឹងជូនដំណើរលោកអ្នកត្រឡប់មកកាន់ទីក្រុងភ្នំពេញវិញ។
• ទៅដល់ទីតាំងទទួលភ្ញៀវដំបូងនៅទីក្រុងភ្នំពេញ ជាការបញ្ចប់កម្មវិធីដំណើរកម្សាន្ត។

    យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះការមកទស្សនាប្រទេសវៀតណាម និងចំពោះការប្រើប្រាស់សេវាកម្មរបស់ក្រុមហ៊ុនយើងខ្ញុំ។ យើងខ្ញុំសូមជូនពរលោកអ្នកធ្វើដំណើរត្រឡប់ទៅផ្ទះវិញប្រកបដោយសុវត្ថិភាព!