ដំណើរកម្សាន្តនៅទីក្រុងព្រៃនគរនិងដែនដីសណ្ដទន្លេមេគង្គ CODE VN: 04

• ម៉ោង ៥:០០ ព្រឹក: ទទួលភ្ញៀវនៅទីក្រុងភ្នំពេញ រួចចេញដំណើរទៅកាន់ច្រកព្រំដែនអន្តរជាតិបាវិត។
• ម៉ោង ៩:០០ ព្រឹក: ទៅដល់ព្រំដែន ទទួលទានអាហារពេលព្រឹកដែលក្រុមហ៊ុនបានកញ្ចប់តាម។
• បន្ទាប់ពីអាហារពេលព្រឹក: ធ្វើបែបបទចេញពីកម្ពុជា និងចូលប្រទេសវៀតណាម។
• មគ្គុទ្ទេសក៍ទេសចរណ៍ និងអ្នកបើកបរនឹងរង់ចាំនៅព្រំដែនវៀតណាម។
• អ្នកបើកបរនឹងជូនដំណើរលោកអ្នកទៅទស្សនាផ្លូវរូងក្រោមដីCu Chi Tunnel។ ប្រព័ន្ធរូងក្រោមដីនេះមានប្រវែងជាង ២៥០ គីឡូម៉ែត្រ និងជាប្រព័ន្ធយុទ្ធសាស្ត្រចម្បាំងដ៏សំខាន់ ដែលមានសាខាជាច្រើនតភ្ជាប់ទៅកន្លែងលាក់ខ្លួនក្រោមដី និងច្រកចូលទៅផ្លូវរូងក្រោមដីផ្សេងទៀត។
• បន្ទាប់ពីទស្សនាផ្លូវរូងក្រោមដីគូជី: លោកអ្នកបន្តដំណើរទៅកាន់ទីក្រុងហូជីមិញ (ទីក្រុងព្រៃនគរ)។
• ទទួលទានអាហារថ្ងៃត្រង់នៅភោជនីយដ្ឋានក្នុងស្រុកក្នុងទីក្រុងហូជីមិញ។
• នៅពេលរសៀល: លោកអ្នកនឹងបន្តទស្សនាវិមានឯករាជ្យ ឬវិមាននរោត្តម ដែលត្រូវបានសាងសង់ឡើងក្នុងឆ្នាំ ១៨៦៨។
• គោលដៅបន្ទាប់៖ លោកអ្នកនឹងទស្សនាវិហារកាតូលិក មជ្ឈមណ្ឌលប្រៃសណីយ៍ អាគារអភិបាលទីក្រុងបុរាណ និងអាគារមហោស្រពបុរាណ។
• បន្ទាប់​មក៖ អ្នកបើកបរជូនលោកអ្នកទៅកាន់សណ្ឋាគារដើម្បីទទួលបន្ទប់ និងសម្រាកលំហែកាយ។
• ទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុងព្រៃនគរ។

• ម៉ោង ០៧:០០ ព្រឹក: ទទួលទានអាហារពេលព្រឹកនៅសណ្ឋាគារ។
• បន្ទាប់មក អ្នកបើកបរជូនលោកអ្នកទៅកាន់ទីក្រុង Ben Tre (ទីក្រុងកំពង់ឫស្សី)។
• ទៅដល់ទីក្រុង Ben Tre លោកអ្នកជិះទូកឈើទៅទស្សនារោងចក្រធ្វើឥដ្ឋ និងរោងចក្រកាបូន។
• បន្តដំណើរទៅទស្សនារោងចក្រផលិតផលនៅតាមផ្ទះ មានដូចជាស្ករគ្រាប់ និងនំក្រៀប ជាដើម។
• រីករាយទទួលទានផ្លែឈើតាមរដូវ និងស្តាប់តន្ត្រីប្រជាប្រិយដែលសំដែងដោយសិល្បករក្នុងតំបន់។
• លោកអ្នកបន្តដំណើរទៅទស្សនាគ្រួសារធ្វើកន្ទេលដេក។
• ធ្វើដំណើរតាមតុកតុកទៅកាន់ភោជនីយដ្ឋានក្នុងស្រុកដើម្បីទទួលទានអាហារថ្ងៃត្រង់។
• បន្ទាប់ពីអាហារថ្ងៃត្រង់ លោកអ្នកជិះទូកសំប៉ានតាមប្រឡាយតូចៗក្រោមដើមចាកទឹកដ៏ស្រស់ត្រជាក់ ត្រឡប់ទៅកាន់កំពង់ផែវិញ។
• អ្នកបើកបរជូនលោកអ្នកទៅកាន់ទីក្រុងTra Vinh(ខេត្តព្រះត្រពាំង)។
• ពេលលោកអ្នកធ្វើដំណើរទៅដល់ទីក្រុងTra Vinh អ្នកបើកបរជូនលោកអ្នកទៅកាន់សណ្ឋាគារដើម្បីទទួលបន្ទប់គេង និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុង Tra Vinh។

• ម៉ោង ៧:០០ ព្រឹក: ទទួលទានអាហារពេលព្រឹក។​​ អ្នកបើកបរនឹងជូនលោកអ្នកទៅទស្សនាវត្តស្លែងចាស់ដែល​គេទើបបានកសាងឡើងវិញតាមរចនបទខ្មែរបុរាណដ៏ស្រស់ស្អាតបំផិតនៅដែនដីកម្ពុជាក្រោមនាពេលបច្ចុប្បន្ន។
• លោកអ្នកបន្តដំណើរទៅទស្សនាសាលាវិទ្យាល័យបាលី។
• នៅក្នុងសាលាបាលីនេះ មានព្រះសង្ឃជាច្រើនអង្គដែលនិមន្តមកពីស្រុកផ្សេងៗក្នុងខេត្តព្រះត្រពាំង ដើម្បីសិក្សាភាសាបាលី ខ្មែរ វៀតណាម និងអង់គ្លេស។
• លោកអ្នកបន្តដំណើរទៅទស្សនាសារមន្ទីរខ្មែរ វត្តអង្គនិងរមណីយដ្ឋានស្រះគូ។
• ដំណើរទស្សនាចុងក្រោយរបស់លោកអ្នកនៅពេលព្រឹកនេះ គឺដើមឈើទាល ដែលបានដាំបញ្ច្រះចុងនៅឆ្នាំ ១៨៤០ ដោយវីរបុរសខ្មែរក្រោមឈ្មោះលោកឧកញ៉ា សើង គុយ។
• លោកអ្នកទទួលទានអាហារថ្ងៃត្រង់នៅភោជនីយដ្ឋានក្នុងស្រុកក្នុងទីក្រុងត្រាវិញ។
• បន្ទាប់ពីទទួលទានអាហារថ្ងៃត្រង់រួច លោកអ្នកបន្តដំណើរទៅទស្សនាវត្តពោធិសាលរាជកំពង់ ដែលស្ថិតនៅក្នុងខេត្តព្រះត្រពាំង។
• បន្ទាប់ពីនោះអ្នកបើកបរជូនលោកអ្នកទៅកាន់ទីក្រុង Can Tho​​​ (ខេត្តព្រែកឬស្សី)។
• ពេលលោកអ្នកធ្វើដំណើរទៅដល់ទីក្រុងព្រែកឬស្សីនិងទទួលបន្ទប់សណ្ឋាគារ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុង Can Tho (ខេត្តព្រែកឬស្សី)។

• ម៉ោង ០៧:០០ ព្រឹក: ទទួលទានអាហារពេលព្រឹកនៅសណ្ឋាគារ។
• អ្នកបើកបរជូនលោកអ្នកទៅកាន់កំពង់ផែជិះទូកឈើទៅទស្សនាផ្សារអណ្ដែត Cai Rang ដើម្បីស្វែងយល់ពីជីវិភាព និងសកម្មភាពរបស់ប្រជាពលរដ្ឋក្នុងតំបន់ដែលធ្វើពាណិជ្ជកម្ម និងរស់នៅតាមដងទន្លេ។
• បន្ទាប់មក លោកអ្នកទៅទស្សនាចម្ការផ្លែឈើ និងផ្សារ An Binh។
• បន្ទាប់ពីនោះ អ្នកបើកបរជូនលោកអ្នកទៅទស្សនាវត្តពោធិសំរោងតាមដងផ្លូវទៅកាន់ទីក្រុង Chau Doc (ទីក្រុងមាត់ជ្រូក)។
• លោកអ្នកទទួលទានអាហារថ្ងៃត្រង់នៅភោជនីយដ្ឋានក្នុងស្រុកក្នុងទីក្រុង Long Xuyen (ខេត្តបារាច)។
• ក្រោយពីទទួលទានអាហាររួច លោកអ្នកបន្តដំណើរទៅទស្សនាទីក្រុងបុរាណអូរកែវ(Oc Eo)។
• ជាច្រើនសតវត្សមុន អូរកែវ គឺដូចជាកំពង់ផែព្រៃនគរ នាសម័យបច្ចុប្បន្ន ទាំងកំពង់ផែ និងមជ្ឈមណ្ឌលពាណិជ្ជកម្មក្នុងតំបន់ និងពិភពលោកនៃដីសណ្ដទន្លេមេគង្គ (ដែនដីកម្ពុជាក្រោម)។ ក្នុងអំឡុងសតវត្សទី ១ ដល់ទី ៦ នៃគ.ស. ជាសម័យដែលកម្ពុជាក្រោម និងកម្ពុជាខាងត្បូងស្ថិតនៅក្រោមការគ្រប់គ្រងរបស់អាណាចក្រហ្វូណន ហើយកម្ពុជាបានទទួលឥទ្ធិពលពីឥណ្ឌា។ អូរកែវ គឺជាទីក្រុងពាណិជ្ជកម្មដ៏សំខាន់មួយនៅក្នុងសម័យនោះ។
• បន្ទាប់មកទៀត លោកអ្នកបន្តដំណើរទៅកាន់ទីក្រុងមាត់ជ្រូក។
• ទៅដល់ទីក្រុងមាត់ជ្រូក លោកអ្នកទទួលបន្ទប់សណ្ឋាគារ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុងមាត់ជ្រូក។

• ម៉ោង ០៧:០០ ព្រឹក: ទទួលទានអាហារពេលព្រឹកនៅសណ្ឋាគារ។
• អ្នកបើកបរជូនលោកអ្នកទៅកាន់កំពង់ផែដើម្បីជិះទូកឈើទៅទស្សនាកសិដ្ឋានចិញ្ចឹមត្រី ភូមិចាមនិងព្រែកជីកប្រវត្តិសាស្ត្រ Vinh Te។
• ការកសាងព្រែកជីក Vinh Te បានចាប់ផ្តើមនៅឆ្នាំ ១៨១៩ ក្នុងសម័យរាជវង្សង្វៀន ដែលជាសម័យមួយដែលគេបានមើលឃើញការពង្រីក និងការបង្រួបបង្រួមរដ្ឋវៀតណាមយ៉ាងសំខាន់ក្នុងសម័យស្តេច Trinh និង Nguyen។ ជាពិសេស តំបន់ខ្មែរនៅសៀមរាប បាត់ដំបង ជួរភ្នំក្រវាញ ឆ្នេរសមុទ្រភាគខាងត្បូង និងពាមមាស គឺជាទីតាំងប្រកួតប្រជែងដើម្បីការគ្រប់គ្រងរបស់សៀម និងវៀតណាម។ បន្ទាប់ពីការកសាងព្រែក Thoai Ha អធិរាជ Gia Long នៃរាជវង្សង្វៀន បានបញ្ជាឱ្យជនជាតិវៀតណាមឈ្មោះ Nguyen Van Thoai ជីកព្រែកថ្មីមួយតាមព្រំដែនកម្ពុជា-វៀតណាមសព្វថ្ងៃនេះ។ ព្រះរាជក្រឹត្យរបស់ព្រះចៅអធិរាជបានមានបន្ទូលថា «គម្រោងជីកព្រែកនេះពិបាកណាស់ ប៉ុន្តែតួនាទីរបស់វាក្នុងការរក្សាសន្តិសុខជាតិ និងការពារជាតិរបស់យើងមិនតូចទេ យើងគួរតែទទួលយកភាពលំបាកដើម្បីកូនចៅរបស់យើងបានផលប្រយោជន៍»។ ទន្ទឹមនិងព្រែកផ្សេងទៀតដែលបានកសាងនៅដើមសតវត្សទី ១៩ ព្រែកជីក Vinh Te បានជួយសម្រួលដល់ការរីកចម្រើនរបស់រដ្ឋវៀតណាមចូលទៅក្នុងទឹកដីកម្ពុជាក្រោម ដែលជាបូរណភាពទឹកដីរបស់ខ្មែរ តាមរយៈការគាំទ្រទាំងផ្នែកហេដ្ឋារចនាសម្ព័ន្ធ និងការការពារជាតិ។
• បន្ទាប់ពីនោះ អ្នកបើកបរជូនលោកអ្នកទៅទស្សនាវត្តលោកយាយម៉ៅ (Lady Temple) និងផ្នូររបស់វីរបុរសវៀតណាមឈ្មោះ Thoai Ngoc Hau។
• ជាចុងក្រោយ អ្នកបើកបរជូនលោកអ្នកធ្វើដំណើរទៅកាន់ច្រកព្រំដែនTinh Bien បញ្ចប់សេវាកម្មដំណើរកម្សាន្ត។
• លោកអ្នកធ្វើបែបបទបោះត្រាចេញពីវៀតណាម និងបោះត្រាចូលទៅខ្មែរវិញ ហើយឡានរងចាំលោកអ្នកនៅព្រំដែនខាងខ្មែរ។ ក្រោយពីលោកអ្នកបានធ្វើបែបបទរួចហើយ ឡាននឹងជូនលោកអ្នកធ្វើដំណើរមកកាន់ទីក្រុងភ្នំពេញ។ ពេលលោកអ្នកធ្វើដំណើរមកដល់ទីតាំងទទួលភ្ញៀវដំបូងនៅទីក្រុងភ្នំពេញ គឺបញ្ចប់កម្មវិធីដំណើរកម្សាន្ត។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះការមកកាន់ប្រទេសវៀតណាម និងចំពោះការប្រើប្រាស់សេវាកម្មរបស់ក្រុមហ៊ុនយើងខ្ញុំ! យើងខ្ញុំសូមជូនពរឱ្យលោកអ្នកធ្វើដំណើរត្រឡប់ទៅផ្ទះវិញប្រកបដោយសុវត្ថិភាព!