ដំណើរកម្សាន្តនៅទីក្រុងព្រៃនគរនិងដែនដីសណ្ដទន្លេមេគង្គ CODE VN: 02

• ម៉ោង ៥:០០ ព្រឹក: ទទួលភ្ញៀវនៅទីក្រុងភ្នំពេញ រួចចេញដំណើរទៅកាន់ច្រកព្រំដែនអន្តរជាតិបាវិត។
• ម៉ោង ៩:០០ ព្រឹក: ទៅដល់ព្រំដែន ទទួលទានអាហារពេលព្រឹកដែលរៀបចំដោយក្រុមហ៊ុន។
• បន្ទាប់ពីអាហារពេលព្រឹក: ធ្វើបែបបទចេញពីកម្ពុជា និងចូលប្រទេសវៀតណាម ។
• មគ្គុទ្ទេសក៍ទេសចរណ៍ និងអ្នកបើកបររង់ចាំនៅព្រំដែនវៀតណាម។
• អ្នកបើកបរនឹងជូនដំណើរលោកអ្នកទៅទស្សនាផ្លូវរូងក្រោមដី Cu Chi Tunnel ។ ប្រព័ន្ធរូងក្រោមដីនេះមានប្រវែងជាង ២៥០ គីឡូម៉ែត្រ និងជាយុទ្ធសាស្រ្តចម្បាំងដ៏សំខាន់។
• បន្ទាប់ពីទស្សនាផ្លូវរូងក្រោមដីគូជី: លោកអ្នកបន្តដំណើរទៅកាន់ទីក្រុងហូជីមិញ (ទីក្រុងព្រៃនគរ)។
• លោកអ្នកទទួលទានអាហារថ្ងៃត្រង់នៅភោជនីយដ្ឋានក្នុងស្រុកក្នុងទីក្រុងហូជីមិញ។
• ពេលរសៀល: លោកអ្នកនឹងទស្សនាវិមានឯករាជ្យ ឬ វិមាននរោត្តម ដែលបានសាងសង់ក្នុងឆ្នាំ ១៨៦៨។
• បន្តទស្សនាវិហារកាតូលិក មជ្ឈមណ្ឌលប្រៃសណីយ៍ សណ្ឋាគារបុរាណ អាគារមហោស្រពបុរាណ។
• បន្ទាប់មក៖ អ្នកបើកបរជូនលោកអ្នកទៅសណ្ឋាគារសម្រាប់ទទួលបន្ទប់ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុងព្រៃនគរ។

• ម៉ោង ៧:០០ ព្រឹក: ទទួលទានអាហារពេលព្រឹក។
• អ្នកបើកបរជូនដំណើរលោកអ្នកទៅកាន់ដីសណ្ដទន្លេមេគង្គ (កម្ពុជាក្រោម)។
• តាមផ្លូវទៅផ្សារអណ្ដែត Cai Be លោកអ្នកនឹងឈប់ទស្សនាវត្ត Vinh Trangនៅទីក្រុង My Tho (ខេត្តមេស)។
• លោកអ្នកបន្តដំណើរទៅកាន់ទីរួមស្រុក Cai Be។
• ពេលទៅដល់កំពង់ផែកៃបេ៖ លោកអ្នកជិះទូកឈើទៅទស្សនាផ្សារអណ្ដែត Cai Be ដែលជាផ្សារអណ្ដែតដ៏ល្បីល្បាញទីពីរនៅតំបន់ដីសណ្ដទន្លេមេគង្គ។
• លោកអ្នកបន្តទស្សនារោងចក្រផលិតផលិតផលតាមផ្ទះ មានដូចជា ស្ករគ្រាប់ ស្រាស នំក្រៀប និងពោតលីងជាដើម។
• លោកអ្នកបន្តជិះទូកសំប៉ានចូលជ្រៅក្នុងចម្ការផ្លែឈើដ៏ស្រស់ត្រជាក់។
• លោកអ្នកបន្តដំណើរតាមទូកឈើតាមដងទន្លេមេគង្គទៅកាន់ផ្ទះសំណាក់ ដែលអាហារថ្ងៃត្រង់នឹងត្រូវបានរៀបចំនៅចំកណ្តាលចម្ការផ្លែឈើ។
• រីករាយជាមួយតន្ត្រីប្រជាប្រិយវៀតណាមសំដែងដោយសិល្បករក្នុងតំបន់ និងទទួលទានផ្លែឈើតាមរដូវ។
• ទូកឈើជូនដំណើរលោកអ្នកទៅកាន់កំពង់ផែ Vinh Long (ឡុងហូរ)។
• ពេលទៅដល់កំពង់ផែ៖ លោកអ្នកឡើងឡានបន្តដំណើរទៅកាន់ទីក្រុង Can Tho (ខេត្តព្រែកឬស្សី)។
• ពេលទៅដល់ទីក្រុងកឹងធើ៖ លោកអ្នកទស្សនាវត្តមុនីរាង្សីដែលស្ថិតនៅកណ្តាលទីក្រុងព្រែកឬស្សី។
• បន្ទាប់មក៖ អ្នកបើកបរជូនលោកអ្នកទៅកាន់សណ្ឋាគារ ទទួលបន្ទប់ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុង Can Tho។

• ម៉ោង ៧:០០ ព្រឹក: ទទួលទានអាហារពេលព្រឹក។
• អ្នកបើកបរជូនលោកអ្នកទៅកំពង់ផែ ជិះទូកឈើទៅទស្សនាផ្សារអណ្ដែត Cai Rang ដើម្បីស្វែងយល់ពីជីវិត និងសកម្មភាពពាណិជ្ជកម្មរបស់ប្រជាជនក្នុងតំបន់។
• លោកអ្នកបន្តទស្សនាចម្ការផ្លែឈើ និងភ្លក់ផ្លែឈើតាមរដូវ។
• បន្ទាប់មក៖ អ្នកបើកបរជូនលោកអ្នកទៅទស្សនាផ្សារក្នុងស្រុក An Binh។
• លោកអ្នកទទួលទានអាហារថ្ងៃត្រង់នៅភោជនីយដ្ឋានក្នុងស្រុកនៅទីក្រុង Can Tho។
• បន្ទាប់ពីអាហារថ្ងៃត្រង់៖ លោកអ្នកបន្តដំណើរទៅកាន់ទីក្រុង Soc Trang (ខេត្តឃ្លាំង)។
• ពេលទៅដល់ទីក្រុងសុកត្រាំង៖ លោកអ្នកនឹងស្វែងយល់អំពីវប្បធម៌ខ្មែរកម្ពុជាក្រោម និងពិធីបុណ្យនានា ជាពិសេសនៅវត្តឃ្លាំង ដែលមានពិធីបុណ្យសាសនាដល់ប្រាំពីរបានប្រារព្ធធ្វើជារៀងរាល់ឆ្នាំ។
• នៅវត្តឃ្លាំង លោកអ្នកអាចសួរសុខទុក្ខ និងសំណេះសំណាលជាមួយព្រះសង្ឃអំពីព្រះពុទ្ធសាសនានៅដែនដីកម្ពុជាក្រោម។
• ក្រោយពីទស្សនាវត្តឃ្លាំង៖ អ្នកបើកបរជុនលោកអ្នកទៅកាន់សណ្ឋាគារដើម្បីទទួលបន្ទប់ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុង Soc Trang (ខេត្តឃ្លាំង)។

• ម៉ោង ៧:០០ ព្រឹក: ទទួលទានអាហារពេលព្រឹក។
• អ្នកបើកបរជូនលោកអ្នកទៅទស្សនាវត្តសំរោងដែលមានរូបព្រះពុទ្ធបរិនិព្វានដ៏ធំបំផុតនៅដែនដីកម្ពុជាក្រោម។​ លោក​អ្នកនឹងបន្តដំណើរទស្សនាសារមន្ទីរខ្មែរខេត្តឃ្លាំង។ ​បន្ទាប់មកអ្នកបើកបរនឹងជូនលោកអ្នកទៅទស្សនាវត្តសិរីតេជោមាហាទប់ ដែលមានសត្វជ្រឹងរាប់ពាន់ក្បាលទំនៅលើដើមឈើជុំវិញវត្ត។
• លោកអ្នកនឹងបន្តដំណើរទៅកាន់ទីក្រុង Chau Doc (ខេត្តមាត់ជ្រូក)។
• លោកអ្នកទទួលទានអាហារថ្ងៃត្រង់នៅភោជនីយដ្ឋានក្នុងស្រុកនៅទីក្រុង Long Xuyen (ខេត្តបារាច)។
• បន្ទាប់ពីអាហារថ្ងៃត្រង់៖ លោកអ្នកបន្តដំណើរទៅទស្សនារាជធានីបុរាណអូរកែវ (Oc Eo)។ អូរកែវ គឺជាទីក្រុងបុរាណ កំពង់ផែ និងមជ្ឈមណ្ឌលពាណិជ្ជកម្មដ៏សំខាន់នៅអាស៊ីអាគ្នេយ៍ និងតំបន់ដីសណ្ដទន្លេមេគង្គ ចាប់ពីសតវត្សទី ១ ដល់ទី ៦ នៃគ.ស. ក្នុងសម័យអាណាចក្រហ្វូណន ដែលកម្ពុជាស្ថិតនៅក្រោមឥទ្ធិពលឥណ្ឌា។
• បន្ទាប់មក៖ អ្នកបើកបរជូនលោកអ្នកទៅកាន់ទីក្រុងមាត់ជ្រូក។
• ពេលទៅដល់ទីក្រុងមាត់ជ្រូក៖ ទទួលបន្ទប់សណ្ឋាគារ និងសម្រាកលំហែកាយ។
• លោកអ្នកទទួលទានអាហារពេលល្ងាចនៅភោជនីយដ្ឋានក្នុងស្រុក និងគេងមួយយប់នៅទីក្រុងមាត់ជ្រូក។

• ម៉ោង ៧:០០ ព្រឹក: ទទួលទានអាហារពេលព្រឹក។
• អ្នកបើកបរជូនលោកអ្នកទៅកំពង់ផែ ជិះទូកឈើទៅទស្សនាកសិដ្ឋានចិញ្ចឹមត្រី ភូមិចាមនិងព្រែកជីកប្រវត្តិសាស្ត្រ Vinh Te។ ព្រែកជីកប្រវត្តិសាស្ត្រ Vinh Te បានកសាងនៅឆ្នាំ ១៨១៩ ក្នុងរាជវង្សង្វៀន ដែលជាសម័យពង្រីក និងបង្រួបបង្រួមរដ្ឋវៀតណាម។ ព្រែកជីកនេះបានជួយសម្រួលដល់ការរីកចម្រើនរបស់រដ្ឋវៀតណាមចូលទៅក្នុងទឹកដីកម្ពុជាក្រោម។
• បន្ទាប់មក៖ លោកអ្នកបន្តដំណើរទៅទស្សនាវត្តលោកយាយម៉ៅ និងផ្នូរវីរបុរសវៀតណាមឈ្មោះThoai Ngoc Hau។
• ជាចុងក្រោយ៖ អ្នកបើកបរជូនលោកអ្នកទៅកាន់ច្រកព្រំដែនTinh Bien ដើម្បីធ្វើបែបបទចេញពីវៀតណាម និងចូលកម្ពុជាវិញ។
• ឡាននឹងរង់ចាំនៅព្រំដែនខាងកម្ពុជា។
• បន្ទាប់ពីធ្វើបែបបទរួច៖ ឡានជូនដំណើរលោកអ្នកត្រឡប់មកកាន់ទីក្រុងភ្នំពេញ វិញ។
• ពេលទៅដល់ទីតាំងទទួលភ្ញៀវដំបូងនៅទីក្រុងភ្នំពេញ ជាការបញ្ចប់កម្មវិធីដំណើរកម្សាន្ត។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះការមកទស្សនាប្រទេសវៀតណាម និងចំពោះការប្រើប្រាស់សេវាកម្មរបស់ក្រុមហ៊ុនយើងខ្ញុំ! យើងខ្ញុំសូមជូនពរលោកអ្នកធ្វើដំណើរត្រឡប់ទៅផ្ទះវិញប្រកបដោយសុវត្ថិភាព!